Video
Read full review
2011-11-12
51 views
天氣啱啱轉涼, 諗住同老婆同埋兩個家姐一行4人去打邊爐, 順便去試埋新開呢間優豪方啦, 返正元朗的火鍋店都試得八八九九..我同老婆就係西鐵站行過去, 都算幾近, 唔使10分鐘就行到. 我家姐就揸車去, 因為知道果度門口有個錶位停車場, 所以泊車都算OK.因為訂咗枱的關係, 去到唔使等位, 我地4個人就安排咗張卡位俾我地坐. 間舖的裝修同平時去開D火鍋店唔同, 睇嚟呢度的老細都係刻意搞D花樣, 俾D新鮮感俾客人.一上到去門口有張大枱, 側邊一排卡位~~ 可能我地都算早到, 仲未坐滿人,咁我就行入去, 原來入面仲有個幾大的地方, 枱都算唔少.返轉頭坐底即刻睇吓有咩嘢食, 原來佢除咗夜晚有得打邊爐, 中午仲有LUNCH , 不過講返正題先!滔滔話打邊爐最重要個爐, 我就話最重要係個湯底喇! 即刻睇吓有咩特別湯底揀啦~ 呢個時候突然有個四眼男人笑騎騎走埋嚟, 話介紹個正嘢"濃湯花甲大魚頭鍋"湯底俾我地試, 仲話D湯好好飲. 咁我地都OK, 就試吓啦!睇埋D火鍋配料, 嘩...唔野小喎, 又和牛, 又黑豚肉又有D刺身咁.我家姐突然興起仲叫個龍蝦刺身試吓! 呢個龍蝦刺身一攞到上枱, 真係火速被消
我同老婆就係西鐵站行過去, 都算幾近, 唔使10分鐘就行到. 我家姐就揸車去, 因為知道果度門口有個錶位停車場, 所以泊車都算OK.
因為訂咗枱的關係, 去到唔使等位, 我地4個人就安排咗張卡位俾我地坐. 間舖的裝修同平時去開D火鍋店唔同, 睇嚟呢度的老細都係刻意搞D花樣, 俾D新鮮感俾客人.一上到去門口有張大枱, 側邊一排卡位~~ 可能我地都算早到, 仲未坐滿人,咁我就行入去, 原來入面仲有個幾大的地方, 枱都算唔少.
返轉頭坐底即刻睇吓有咩嘢食, 原來佢除咗夜晚有得打邊爐, 中午仲有LUNCH , 不過講返正題先!
滔滔話打邊爐最重要個爐, 我就話最重要係個湯底喇! 即刻睇吓有咩特別湯底揀啦~
呢個時候突然有個四眼男人笑騎騎走埋嚟, 話介紹個正嘢"濃湯花甲大魚頭鍋"湯底俾我地試, 仲話D湯好好飲. 咁我地都OK, 就試吓啦!睇埋D火鍋配料, 嘩...唔野小喎, 又和牛, 又黑豚肉又有D刺身咁.
我家姐突然興起仲叫個龍蝦刺身試吓! 呢個龍蝦刺身一攞到上枱, 真係火速被消滅. 正!!
龍蝦慘死後... 個煲都出煙喇~ 打邊爐!一開個蓋, 睇吓咩料啦, 真係好多料....D湯又白, 心諗個老闆果然無老點. 飲啖湯先, D魚湯真係夠濃.
跟住其他嘢食都好快咁陸續上枱, 呢個時候我都唔記得影相LU....食嘢要緊!
打邊爐的過程中, 我地都真係輪住飲D魚湯, 堅正! D侍應可能見我地D湯無得咁快, 佢地都加湯加得好密.D嘢食都幾新鮮, 上配料速度快, 唔使追幾次單先有.
D雪花肥牛粒, 黑豚豬同埋手打蟹皇鮮蝦丸都好正~
我坐果張枱幾面都有電視, 啱晒D電視送飯的人啦!
整體呢間嘢服務同食物質素都幾好, 一定再嚟試埋另外D湯底!
Post
