餐廳雖小但食物種類都幾多貼齊全。主打潮洲菜，亦都有牛腩粉麵。
細滷水拼盤 $128
鵝腸大大條爽口唔肥膩，正！墨魚有咬口，正。大腸夠腍無異味又入味，正！仲有紅腸、蛋、豬頸肉片、生腸、鴨腎、鴨肝。大堆頭，好豐富。
韭菜鵝紅 $58
不得了，好新鮮。第一次喺潮州舖頭，叫鵝紅，平時只係食台式火鍋會食。🤩原來都好好食，鵝紅口感嫩滑。底下鋪滿韭菜，清清地幾好食。
牛四寶 $128
有牛腩牛肚金錢肚牛筋，大大碟，全部都炆得好腍好入味。特別係牛筋腍得黎膠質充滿係個口度。好香。就咁食會鹹咗少少🤏配返飯或者粉面會啱啱好。蘿蔔都好清甜。
就算辣椒醬都會有三款係枱面，任君選擇。麻辣，香辣，蒜辣。麻辣最辣， 蒜辣最惹味。
