萬發海鮮菜館

Open Now

Now Closed

如果要食小菜一定會諗起呢間萬發，我諗深水埗區無咩人會唔識呢間正鋪約哂成班朋友嚟深水埗，食厭左果啲雞煲放題打邊爐，咁緊係去嗌小菜食飯啦！嚟得呢啲鋪頭唔好睇佢環境點樣，最緊要啲野好食！鐵板德國鹹豬手，一上枱就「炸炸聲」咁，證明塊鐵板夠哂熱，㷫到啲洋蔥好香口，豬手勁大隻，用刀叉好易就將佢切開離哂骨又啖啖肉！半隻金牌風沙雞，炸子雞+炸蒜粒，隻雞都幾嫩滑，塊皮脆卜卜唔錯！呢度招牌中嘅招牌，黑椒薯仔牛柳粒其實啲薯仔仲好食過牛肉，粒粒外面又脆又甜，好鬼香口！