Video
Read full review
2022-06-11
12 views
麵賜園🍾用餐體驗及環境麵當然係呢間餐廳嘅招牌，餐牌上面有各色麵食可以選擇，食得出真係落足心機，另外餐廳都有駐場嘅咖啡烘焙師好用心為客人調製咖啡，我哋喺餐廳用餐嘅時候都會特登出嚟同客人交流吓，啱晒對麵食同咖啡有興趣嘅人🥰🥰主食：🤍鐵三角蠔蝦蟹海鮮湯麵 $118呢個湯麵有滿滿嘅海鮮，海中蝦、蟹柳、青口同日本生蠔，鮮甜好味，配埋味道濃郁嘅鮮魚骨湯底，大滿足🥰🥰🤍牛隊長湯麵 $88至於呢碗湯麵都好正，湯底唔少得係用濃牛骨去熬製，又有牛肋條、澳洲和牛封門柳、牛肚、牛筋同蘿白，集合晒牛嘅精華喺度，食落去每一啖都充滿牛味🤤😋小食：🤍牛油果蝦多士 $48多士嘅底層麵包炸到黃金色脆卜卜咁，中間嗰層牛油果可以中和返炸嘢嘅油膩感，最上面就有大大粒蝦，食落口感好豐富，好欣賞呢個小食🦐🤍黃金炸生蠔 $48生蠔都整得好好味，外層薄薄嘅炸粉炸到脆卜卜咁，入面嘅生蠔又保留到鮮甜嘅味道👍🏻🤍素蘇格蘭炸蛋 $58呢個小食之前從來都未食過，係用素雞肉包住一粒溏心蛋再用油炸，外層嘅素雞肉會炸到脆卜卜，而入面嘅蛋又有流心嘅口感，都幾特別🤩飲料：☕️凍鮮奶烘焙 $45餐廳硬件上都落足心思，咖啡會配埋岩石塊做杯墊，又有隻細細隻嘅靚靚
🍾用餐體驗及環境
麵當然係呢間餐廳嘅招牌，餐牌上面有各色麵食可以選擇，食得出真係落足心機，另外餐廳都有駐場嘅咖啡烘焙師好用心為客人調製咖啡，我哋喺餐廳用餐嘅時候都會特登出嚟同客人交流吓，啱晒對麵食同咖啡有興趣嘅人🥰🥰
主食：
🤍鐵三角蠔蝦蟹海鮮湯麵 $118
呢個湯麵有滿滿嘅海鮮，海中蝦、蟹柳、青口同日本生蠔，鮮甜好味，配埋味道濃郁嘅鮮魚骨湯底，大滿足🥰🥰
🤍牛隊長湯麵 $88
至於呢碗湯麵都好正，湯底唔少得係用濃牛骨去熬製，又有牛肋條、澳洲和牛封門柳、牛肚、牛筋同蘿白，集合晒牛嘅精華喺度，食落去每一啖都充滿牛味🤤😋
小食：
🤍牛油果蝦多士 $48
多士嘅底層麵包炸到黃金色脆卜卜咁，中間嗰層牛油果可以中和返炸嘢嘅油膩感，最上面就有大大粒蝦，食落口感好豐富，好欣賞呢個小食🦐
🤍黃金炸生蠔 $48
生蠔都整得好好味，外層薄薄嘅炸粉炸到脆卜卜咁，入面嘅生蠔又保留到鮮甜嘅味道👍🏻
🤍素蘇格蘭炸蛋 $58
呢個小食之前從來都未食過，係用素雞肉包住一粒溏心蛋再用油炸，外層嘅素雞肉會炸到脆卜卜，而入面嘅蛋又有流心嘅口感，都幾特別🤩
飲料：
☕️凍鮮奶烘焙 $45
餐廳硬件上都落足心思，咖啡會配埋岩石塊做杯墊，又有隻細細隻嘅靚靚匙羹仔，呢杯鮮奶烘焙飲落鮮奶香濃順滑，咖啡飲落亦唔會覺得苦，好好味😍🥰
☕️搖呀搖烘焙 $55
店員一拎上枱我哋已經比呢杯飲品吸引住，最上面係一層焦糖，店員建議我哋飲之前可以食咗先，甜甜哋咁🤭跟住就係一層厚厚嘅奶同咖啡，好歎啊👍🏻👍🏻
整體評分：
味道 🌟🌟🌟🌟🌟
環境 🌟🌟🌟🌟🌟
服務 🌟🌟🌟🌟🌟
衛生 🌟🌟🌟🌟🌟
抵食 🌟🌟🌟🌟🌟
Post
