我地去左元朗又新街呢間BURGER，之前食晚飯成日經過都想試，不過就幾多人下，今日晏晝反而無咩人WOR，擇日就不如撞日啦~~~
呢到既店員好熱情啊，好快安排左我地坐低，水就要自己去自助BAR斟既
男朋友叫左個紐約8安士雙層堡，真係好大份啊，牛肉個味比較淡，SAUCE 就正常，最鍾意佢配芝士食啊!
我就叫左個阿拉斯加特大魚堡，嘩，大到呢......長過一把間尺啊，所以我分左頭尾比媽媽同男友食！我覺得呢個個醬可以再多D，咁就會JUICY D，魚柳夠脆，不過可能要炸到咁脆，所以佢就比較乾喇！拎返個中間位就好了><
媽媽叫左個華盛頓總統漢堡，同男友個個差唔多味既，係上面多左巴拿馬火腿，咸咸地又幾好味同開胃啊，呢個SIZE就正常返少少，可以食哂都唔覺濟! 最鍾意呢個啊!
我地仲加左錢叫叫小食，有洋蔥圈、雞翼同薯條，洋蔥圈同雞翼都唔錯🤭 反而最普通既薯條係最好食，熱辣辣又夠粗👍🏻另外仲加埋錢叫野飲，比單點平D架!
下次要帶埋老豆黎食先!
