Video
Read full review
2016-05-23
1671 views
估唔到藍田啟田商場入面都有一間日本放題食，唔使出到旺角，仲可以行一陣間匯景商場，今次就同媽媽一齊黎試吓。六點半去去到門口已經見到有d人喺度等緊啦，我諗平時都好多人去，因為我見到佢分咗3至4個唔同嘅時段(平時食放題通常得兩個時段揀)，最平嘅七點離座只係$138。入到去坐低，因為已經有好多人食緊，個佈局有啲迫，但係都幾整齊，坐得都舒服既。啲嘢食有好多唔同嘅款，以為會比旺角嗰啲放係少啲嘢食啦，點知佢仲多過嗰邊，連火鍋都有。梗係即刻叫刺身先啦，不過因為我地得兩個人，加上食咗咁多次放題嘅經驗，所以都量力而為，刺身有好多款選擇，我自己就比較鍾意食三文魚，鮑片，甜蝦，玉子，同埋貝柱。個人覺得三文魚最好食，夠鮮甜夠凍，師傅一啲都唔孤寒，大大件，咬落去夠晒肥美。啲壽司都好值得推介，冇諗過會有黑松露三文魚壽司，大大pat黑松露係三文魚上面，絕對唔敷衍，之前係出面食過嘅黑松露三文魚，孤寒到就咁抹啲啲黑松露浸過既油落去真係火都嚟，呢度既真係件件都咁多黑松露，成個口都充滿黑松露嘅味道，配埋三文魚真係一流。火燒三文魚壽司上面有芝士醬喺度，增加左成個三文魚壽司嘅層次，而且有半邊三文魚都燒到燶燶地，唔係求求期期搵個火
六點半去去到門口已經見到有d人喺度等緊啦，我諗平時都好多人去，因為我見到佢分咗3至4個唔同嘅時段(平時食放題通常得兩個時段揀)，最平嘅七點離座只係$138。
入到去坐低，因為已經有好多人食緊，個佈局有啲迫，但係都幾整齊，坐得都舒服既。啲嘢食有好多唔同嘅款，以為會比旺角嗰啲放係少啲嘢食啦，點知佢仲多過嗰邊，連火鍋都有。
梗係即刻叫刺身先啦，不過因為我地得兩個人，加上食咗咁多次放題嘅經驗，所以都量力而為，刺身有好多款選擇，我自己就比較鍾意食三文魚，鮑片，甜蝦，玉子，同埋貝柱。個人覺得三文魚最好食，夠鮮甜夠凍，師傅一啲都唔孤寒，大大件，咬落去夠晒肥美。
啲壽司都好值得推介，冇諗過會有黑松露三文魚壽司，大大pat黑松露係三文魚上面，絕對唔敷衍，之前係出面食過嘅黑松露三文魚，孤寒到就咁抹啲啲黑松露浸過既油落去真係火都嚟，呢度既真係件件都咁多黑松露，成個口都充滿黑松露嘅味道，配埋三文魚真係一流。火燒三文魚壽司上面有芝士醬喺度，增加左成個三文魚壽司嘅層次，而且有半邊三文魚都燒到燶燶地，唔係求求期期搵個火辣辣就算，魚油sum晒落啲飯到，係我哋今次嘅返啅之選。
最重要係呢度嘅壽司飯一啲都唔大夠，唔會話攞啲返嚟執飽你，份量可以試晒唔同款嘅壽司。
芝士咖喱牛坑腩，真係估佢唔到喺日本放題出現嘅食物，但係我食落就冇乜食到芝士味，我坑腩炆得好琳，仲陪埋薯仔都幾好食。極度推介金菇肥牛卷，我前前後後食咗四件，肥牛卷煎香左，牛油香入晒金菇度，肥牛肥瘦適中，容易咬開，好好食。
另外蠔都有三款選擇，分別係吉列蠔，蒜香燒蠔，同黃金燒蠔。食吉列蠔嗰陣一定要小心，因為好熱，一咬落去啲汁就必晒出嚟，夠晒juicy！另外蒜香燒蠔同黃金燒蠔燒完之後細細粒，我就幾鍾意，因為咁樣可以食多啲，而且唔會燒到冇晒水，一啲都唔乾。我自己本人就鍾意食黃金燒蠔多啲，因為有啲芝士味，但係如果怕肥膩嘅話食蒜香燒蠔就啱啱好啦。
另外天婦羅都係必叫之選，個粉漿炸得好薄，唔會油淋淋，裏面嘅材料炸完之後唔會乾爭爭，而且有六款俾你揀，天婦羅蓮藕真係冇乜地方有得食。
粟米係我每一次都會叫，不過我就覺得呢度啲粟米唔知係唔夠牛油定冇乜點炒過，麻麻哋。清酒煮蜆個底冇乜清酒味，但係就洗得好乾淨，一啲沙都冇，最怕係出面食清酒主演也會一粒片都附送3，4粒沙 ,都唔知點食好，呢度嘅清酒煮蜆我哋可以食晒，因為一粒沙都咬唔到。
食完林林總總好多樣嘢食之後，我哋就好興奮咁樣叫咗個火鍋試吓，佢有豬骨湯底，寒風豬骨湯底，我諗佢加左泡菜，同埋蕃茄湯底揀，我哋叫咗個番茄湯底，嗌左少少菜金菇肥牛同滑雞，其實同出面食普通嘅邊爐仔差唔多，但係日式放題可以食火鍋真係好神奇，滑雞夠嫩，係火鍋配料裏面嘅第一推介。
喺呢度嘢飲同埋甜品都係自己出去拎嘅，其實我幾鍾意呢啲自己出去拎嘅安排，因為乜嘢都可以自己揀又唔使等人去serve。嘢飲有好多唔同嘅種類，我最鍾意飲韓國忌廉鮮奶，其實仲可以選擇要燒酒同清酒飲，不過就要落單。甜品方面，侍應同我地講佢哋啲甜品係自製嘅，行一會整兩款，假期就會整四款，其實我想講有甜品已經係個好大嘅bonus ,平時食放題最多係買單嗰陣比杯雪糕或者俾粒雪米糍，呢度仲要有得選擇同埋可以無限食，淨係雪糕系列都有四款俾你揀，甜品方面真係超晒班。特別推介呢隻脆皮雪糕，一包三粒，真係超級好食，我哋一人食咗一包。
買單每位$178 ,一般嘅放題價錢，幾倍嘅嘢食選擇，最重要係地鐵站上緊嘅時候一粒雨都唔會dup到，今次真係發現新大陸！
Post
