Video
Read full review
2018-05-10
356 views
好有驚喜！咁岩有人生日就有免費飛入左海洋公園，咁晚餐諗唔到食乜，就揀呢間海洋公園想試好耐既海龍皇餐廳。冇諗過咁有驚喜喎！一入到去最大gimmick就當然係對住海洋館特大玻璃食飯啦，有好多魚仲有魔鬼魚陪住你食，成個環境都好靚好舒服。因為西餐冇set dinner所以就叫左龍蝦湯同一人一個main dish。龍蝦湯好香，同比龍蝦一啲都唔孤寒。順帶一提呢到餐包係點我最愛既oliver oil and vinegar。我就叫左羊架，雖然我叫左medium rare，但係有少少過熟，不過都好彩我都唔太鍾意過生既羊架。而羊架煎得好香脆，又有羊味。而另外既肉眼扒都好正，肉質夠冧，肉味好出。而pasta就正常啦，都幾香黑松露味既。最後，因為有人生日，所以送左個火焰雪山。上黎果時點火，好靚呀。不過略嫌佢酒精味未揮發晒，有啲海綿蛋糕好苦，但個雪糕係好味既！整體黎講，晚餐好有特色，食物質素又好，員工training 都做得好好。而生日仲有八折，真心抵食！靜靜地食餐fine dine真係最佳選擇。
咁岩有人生日就有免費飛入左海洋公園，咁晚餐諗唔到食乜，就揀呢間海洋公園想試好耐既海龍皇餐廳。冇諗過咁有驚喜喎！
一入到去最大gimmick就當然係對住海洋館特大玻璃食飯啦，有好多魚仲有魔鬼魚陪住你食，成個環境都好靚好舒服。
因為西餐冇set dinner所以就叫左龍蝦湯同一人一個main dish。龍蝦湯好香，同比龍蝦一啲都唔孤寒。順帶一提呢到餐包係點我最愛既oliver oil and vinegar。我就叫左羊架，雖然我叫左medium rare，但係有少少過熟，不過都好彩我都唔太鍾意過生既羊架。而羊架煎得好香脆，又有羊味。而另外既肉眼扒都好正，肉質夠冧，肉味好出。而pasta就正常啦，都幾香黑松露味既。
最後，因為有人生日，所以送左個火焰雪山。上黎果時點火，好靚呀。不過略嫌佢酒精味未揮發晒，有啲海綿蛋糕好苦，但個雪糕係好味既！
整體黎講，晚餐好有特色，食物質素又好，員工training 都做得好好。而生日仲有八折，真心抵食！靜靜地食餐fine dine真係最佳選擇。
Post
