泰玖 (Closed)

見到電視介紹，覺得呢度裝修嘅風格幾特別，地點又啱我，最緊要係食我鍾意嘅泰菜，一於嚟試下啦泰式鮮蝦金柚沙律 - 柚、蝦、洋蔥、蔥同菜，所有食材都新鮮，自然爽口鮮甜，汁甜甜辣辣，加埋青檸，勁開胃泰式馬拉盞炒椰菜苗 - 炒得好惹味好好食，炸蒜、洋蔥、薑同椒，吊到椰菜苗嘅鮮味泰玖金磚蒜蓉包 - 好高質，六面都係搽到滿滿嘅牛油，蒜味又夠濃，成件磚烘到又香又脆，好正泰式燒雞全翼 - 皮脆肉嫩，啱啱好唔燶，啖啖肉好正泰式乾炒豬肉河粉 - 炒得好好，調味一流，粗河粉比較少見，口感好好，又彈牙又好咬，加埋炒蛋碎口感好豐富，大大碟都清晒芒果活性乳酸屎樂冰 - 芒果味濃厚，芒果肉滿滿，食濃味嘢飲好襯好爽餐廳提供嘅選擇好多，餐牌圖文並茂，款款都好吸引，用QR Code落單又方便泰玖裝修好獨特好有風格，有輕工業嘅感覺，地下一層係吧枱，感覺好輕鬆，希望下次有機會坐二樓，特別想提泰玖員工嘅tee好靚好簡約，嘢食又好食又抵食，絕對值得一試