串得喜 (Closed)

又有串燒又有烤魚，滿足曬你兩個願望😍🥰平時都比較少去開土瓜灣，今日約咗個住附近嘅朋友，一於上網搵吓附近有咩好食。最近天氣都仍然有啲涼意，睇梨最啱就係食啲暖笠笠嘅嘢，見到麻辣烤魚就最合我心意，仲見佢有串燒供應，小店經營，一於去試吓佢。香菇 燒得唔會乾，保留左水份，有新鮮嘅菇香。金菇肥牛卷，配上獨特嘅醬汁，非常夾嘅味道，推介。韭菜，我既串燒必食，濃濃孜然燒烤嘅美味黃金燒雞翼，滿滿黃金蛋黃香既邪惡醬汁，配上醃好咗嘅雞翼👍羊肉串 唔會太多肥膏，有肉汁加上香料嘅配搭，喺我鍾意嘅味道重點梨啦，港式麻辣烤魚，老實講真係好驚喜，平時食既魚都多骨，但佢呢條魚令我幾意外，唔多魚骨，仲啖啖肉，而且都真係幾大條下，個汁又香又濃，我地叫左小辣，但唔算係好辣，下次可以挑戰吓中辣😋配料好足料，有薯粉、洋蔥、薯仔、芫荽、芽菜豆卜等。食到好滿足，對於2個人黎講，都真係好夠食😆