Video
Read full review
2023-07-04
23 views
每次行過哩間鋪頭，都聞到好香嘅麻辣味，今日終於得閒試下。鋪頭唔大，係普通茶餐廳果款，兩個人都安排4人位，坐得好闊落。可樂同忌廉，食辣嘢點都要叫隻汽水，解辣一流。泡椒腰花，腰花厚切又好大一件，食落一D腥味都冇，真係處理得好好。同埋炒得好有鑊氣，大火帶出泡椒酸辣鮮香，為腰花增添咗好多風味。就連伴碟雲耳同萵筍都好惹味，全部食曬。重慶水煮鱸魚片（例牌），叫咗小辣，都幾辣下。鱸魚片好厚切，差唔多有20幾片，真係食魚都飽咗。鱸魚嫩滑冇骨，就算麻辣湯底都唔會遮蓋鱸魚鮮味。仲搭配埋大量配菜，有豆蔔，藕片，芽菜同薯粉等。藕片同薯粉最好味，藕片脆口鮮甜，薯粉嗦曬麻辣湯底，食到停唔落口，勁like。估唔到哩間小店味道咁出色，以後可以再encore！
可樂同忌廉，食辣嘢點都要叫隻汽水，解辣一流。
泡椒腰花，腰花厚切又好大一件，食落一D腥味都冇，真係處理得好好。同埋炒得好有鑊氣，大火帶出泡椒酸辣鮮香，為腰花增添咗好多風味。就連伴碟雲耳同萵筍都好惹味，全部食曬。
重慶水煮鱸魚片（例牌），叫咗小辣，都幾辣下。鱸魚片好厚切，差唔多有20幾片，真係食魚都飽咗。鱸魚嫩滑冇骨，就算麻辣湯底都唔會遮蓋鱸魚鮮味。仲搭配埋大量配菜，有豆蔔，藕片，芽菜同薯粉等。藕片同薯粉最好味，藕片脆口鮮甜，薯粉嗦曬麻辣湯底，食到停唔落口，勁like。
估唔到哩間小店味道咁出色，以後可以再encore！
Post
