Video
Read full review
2017-05-10
182 views
今晚和朋友在尖沙咀行完街，晚上９點幾落bar又好似太早，去邊呢，朋友提議有度地方有好好食既串燒，又有酒飲，就跟住來試下啦。去到樓下就見到招裨，原來店名叫肚餓了，行左成晚街我正正就係一隻肚餓鳥︿︿上樓按六字，好期待有乜野食。。。門面黑白設計的招牌真係好多選擇，花多眼亂由於第一次黎，朋友就點了幾道推介小食，我就叫了一客薯條上到黎時間已經差唔多１０點，出面坐滿了人，好多人都係三五知己一齊來happy hour，食串燒飲酒，好有氣氛，因為出面坐滿晒人，我和朋友就被服務員安排坐在旁邊近廚房的小角落，其實這個安排仲好，我地可以兩個人靜靜地咁傾下計，雖然之後都仲有人坐在我地附近，但都是小情侶細細聲傾計，對我地來講都無影響。繁忙時段平時有１小時３０分鐘限制，我地１０點來坐到１２點都無趕我地走，服務員亦好nice，服務好好，這個１小時３０分應該看繁忙情況先有規定。我地唔係好酒之人，不過呢度太有氣氛，食串燒又點可以無酒呢，睇下餐牌好多酒啤酒選擇，我就選擇左La Goudale 呢款香檳啤酒，雖然我唔係好識飲酒，但麥味適中，唔濃唔淡，入口亦有種香味，真係唔錯。。。燒雞翼：我鐘意食～外脆內軟，真係好好食，兩啖
去邊呢，朋友提議有度地方有好好食既串燒，又有酒飲，就跟住來試下啦。
去到樓下就見到招裨，原來店名叫肚餓了，行左成晚街我正正就係一隻肚餓鳥︿︿
上樓按六字，好期待有乜野食。。。
門面黑白設計的招牌
真係好多選擇，花多眼亂
由於第一次黎，朋友就點了幾道推介小食，我就叫了一客薯條
上到黎時間已經差唔多１０點，出面坐滿了人，好多人都係三五知己一齊來happy hour，
食串燒飲酒，好有氣氛，因為出面坐滿晒人，我和朋友就被服務員安排坐在旁邊近廚房的小角落，
其實這個安排仲好，我地可以兩個人靜靜地咁傾下計，雖然之後都仲有人坐在我地附近，
但都是小情侶細細聲傾計，對我地來講都無影響。
繁忙時段平時有１小時３０分鐘限制，我地１０點來坐到１２點都無趕我地走，
服務員亦好nice，服務好好，這個１小時３０分應該看繁忙情況先有規定。
我地唔係好酒之人，不過呢度太有氣氛，食串燒又點可以無酒呢，睇下餐牌好多酒啤酒選擇，
我就選擇左La Goudale 呢款香檳啤酒，雖然我唔係好識飲酒，但麥味適中，唔濃唔淡，
入口亦有種香味，真係唔錯。。。
燒雞翼：我鐘意食～外脆內軟，真係好好食，兩啖就食晒
蒜蓉燒原條茄子：呢個真係要推介，好大條好好食，蒜蓉和香葱好夾，好香，不過真係太大條，真係食唔晒。
勁辣噴火黃金薯條：真係勁～～～～～辣，辣到噴火，
完全可以和呢排好多人買果隻日本勁辣薯片比，食左兩條已經投晒降，好彩我朋友食得辣，
最後食左一半，其他食唔晒，太辣了，不過食得辣味之人可以挑戰一下。
棉花糖朱古力厚多士：食完辣之後，為左平伏番我條舌，叫左一客甜品，無令我失望，
多士好香脆，好好食，食完我條舌就復活啦。
總括黎講，今晚食得好滿足，呢度的確係HAPPY HOUR既好地方，食物質素好，酒亦好多選擇，唔想去尖沙咀樓下坐BAR，上來呢度食下野傾下計絕對係一種享受。
Post
