Restoran SAYA

Open Now

Now Closed

而加大角咀都多左好多新樓新商場，所以都多左好多好野食。哩間泰菜裝修唔錯好吸引，朋友介紹黎試下先。😋泰北咖喱金麵 $128哩個麵好大碗，份量超級多。兩個人都夠食。佢既雞都燒過好香口，而且又係大大件。泰式咖哩湯底唔會太辣，味道唔錯。湯汁仲有少少挺身，唔會好稀。加埋好多唔同配料，好有泰式風味。😋炭火燒澳洲M7 和牛 （8oz) $208 我地比較鍾意食生少少既牛肉，炭燒外脆內軟，燒得剛剛好，好嫩口。配埋個泰式醬汁，好好味，我幾欣賞個醬汁，好清新，又唔會太辣。應該有唔同既泰式香草混合做成。😋芒果糯米飯 $78應該係我食過最多芒果既芒果糯米飯。仲要好甜，又唔會過熟。同埋我鍾意佢切得大舊，唔會細細粒。配埋椰汁同糯米飯真係絕配。唔錯，份量都係二至三人咁上下。😋椰汁沙冰 $58有泰式風味，椰汁味好出亦唔會太甜。😋利賓納荔枝梳打 $38好少見有利賓納配荔枝所以試下，不過利賓納味就偏少，但粒粒荔枝好爽甜，不是太甜還可以。我地週末下午茶時段去，唔算多人，可以隨意影相打卡，鍾意Tiffany Blue既女士一定好鍾意哩度，裝修好有亞熱帶風情。配埋泰菜就置身於泰國一樣。推介大家黎試下。⭐️⭐️⭐️⭐️（5星為滿）Res