所以都要抽少少時間寫呢篇食評.
係朋友介紹, 佢話呢間餐廳D刺身好新鮮, 今日出開尖沙咀行街, 咪試吓囉. 環境都幾乾淨, 好有日本feel, 餐廳中間仲有個流水擺設, 等緊食物既時候, 我地仲同個流水擺設影相.
雜錦刺身(半價$240) 朋友話明刺身新鮮, 緊係叫返個啦!: 雖然呢D相係用手機影, 但都可以見到新鮮色澤, 食落重好鮮甜.
舌拿魚腩手握壽司(半價$190) 平時我對吞拿魚無興趣, 但我朋友話想食舌拿魚腩, 叫我試吓, 咁我咪唸住一試無妨, 點知食過之後, 宜家見到張相, 都想即刻去食呀!
芥末燒牛肉(大約$90) 雖然賣相麻麻地, 但係好好味, 芥末很香, 而且沒有蓋過牛肉味.
蝦頭麵豉湯(大約$10-20) 其實係"雜錦刺身"裡面個"蝦頭", 我地見到咁新鮮, 當然唔好嘥, 本來想整炸蝦頭, 不過侍應提議我地試下"蝦頭麵豉湯", 果然冇介紹錯! 好味道!
黎緊有幾個朋友仔生日, 我一定會提議大家試下呢間日本餐廳! 唔知道重有冇半價優惠呢!
不過咁新鮮, 就算要俾正價價錢都抵食啦!!!
