Video
Read full review
2021-07-15
1844 views
$210/person 可選蟹或龍蝦，龍蝦要加錢。 啲蟹都算有啲蟹膏，肉質鮮甜，推薦👍🏻 另加5款海鮮，我就揀咗：1. 大尾魷👍🏻食得出好新鮮，彈牙富韌性，完全唔係平時打邊爐嗰啲水魷次貨。2. 蟶子 👌有小小臭，冇乜味道，不過尚可接受。3. 多寶魚👍🏻肉唔多但嫩口4. 鮑魚 👍🏻比西貢海邊啲遊客海鮮餐廳大隻，唔會好似橡筋咁，肉質好好。5. 海蝦（冇因為佢話呢批海蝦有啲霉，所以換多咗份鮑魚比我哋。 另外再揀8款配菜，我要咗：1. 竹笙👌2. 肥牛👍🏻超重肉味，肥瘦均匀，唔係行貨3. 萵荀👌份量略少4. 金菇👌5. 雞件👍🏻雞肉都係好鮮嫩6. 油炸鬼👍🏻7. 韭菜餃👎皮太厚，麵粉太重8. 腐竹卷👍🏻佢仲會送啲粟米，南瓜粒同芋頭粒畀你煲粥食，同埋有啲菜圃同莞茜，到最後煲湯集天地精華，啲粥索晒陣蟹膏味，想唔好食都幾難👍🏻👍🏻我最欣賞佢黐咗張煮食時間喺度畀你參考，make sure 唔會過熟變韌。———————————————————————既然咁好食點解都係要差評呢🤬首先我哋20:16嚟到，佢好快上咗道蟹。之後就冇了，只係不停嚟咗啲我哋冇叫過嘅食物，講完又講都係錯。可能佢太多客落
可選蟹或龍蝦，龍蝦要加錢。
啲蟹都算有啲蟹膏，肉質鮮甜，推薦👍🏻
45 views
0 likes
0 comments
45 views
0 likes
0 comments
另加5款海鮮，我就揀咗：
1. 大尾魷👍🏻
食得出好新鮮，彈牙富韌性，完全唔係平時打邊爐嗰啲水魷次貨。
2. 蟶子 👌
有小小臭，冇乜味道，不過尚可接受。
3. 多寶魚👍🏻
肉唔多但嫩口
4. 鮑魚 👍🏻
比西貢海邊啲遊客海鮮餐廳大隻，唔會好似橡筋咁，肉質好好。
5. 海蝦（冇
因為佢話呢批海蝦有啲霉，所以換多咗份鮑魚比我哋。
37 views
2 likes
0 comments
40 views
0 likes
0 comments
另外再揀8款配菜，我要咗：
1. 竹笙👌
2. 肥牛👍🏻
超重肉味，肥瘦均匀，唔係行貨
3. 萵荀👌
份量略少
4. 金菇👌
5. 雞件👍🏻
雞肉都係好鮮嫩
6. 油炸鬼👍🏻
7. 韭菜餃👎
皮太厚，麵粉太重
8. 腐竹卷👍🏻
37 views
0 likes
0 comments
佢仲會送啲粟米，南瓜粒同芋頭粒畀你煲粥食，同埋有啲菜圃同莞茜，到最後煲湯集天地精華，啲粥索晒陣蟹膏味，想唔好食都幾難👍🏻👍🏻
我最欣賞佢黐咗張煮食時間喺度畀你參考，make sure 唔會過熟變韌。
———————————————————————
既然咁好食點解都係要差評呢🤬
首先我哋20:16嚟到，佢好快上咗道蟹。
之後就冇了，只係不停嚟咗啲我哋冇叫過嘅食物，講完又講都係錯。可能佢太多客落錯單，啲員工又新，都可以體諒😓
然後等到伴菜都上齊得七七八八，蟹以外嘅嗰5樣海鮮一件都冇嚟，呢個時候都食咗九個字。
覺得唔對路，問下個職員佢先大驚失色。
然後陸續上咗鮑魚，魷魚等，不過海蝦依然遲遲未到。
催完又催催完又催催完又催
21:40左右，同我講冇蝦，問換鮑魚得唔得。
都唔緊要，然後等隻鮑魚嚟又係等咗好耐。。。
等到大約21:50，眼見食肆十點限制就到，馬上要收舖，有人經過醒起先問一問，然後先攞過嚟，已經拿拿林烚埋隻鮑魚，仲係咁被催促，叫佢過嚟煲粥，個職員話：
「下！？你而家先講嘅？我哋就到10點唔整粥㗎喇🙄」
？？？？？？？？？？？？？
我啲嘢三催四請，到last minute 先齊仲要時間煮，你同我講叫我食快少少同冇得整粥？？？
等隻鮑魚熟都要五分鐘啦⋯⋯
然後佢話都係幫我哋煲埋，不過只能夠外賣返去食，雖然我住得唔近，都冇辦法。
所以即使佢食物質素唔錯，我成個體驗都好差。
同埋佢塊地長期濕漉漉，啲煲就咁疊喺地下，廚餘又唔清潔好又係就咁擺地下，畀人觀感唔係幾好，希望可以好好管理下🤦🏻
Post
