那個ㄋㄚˋ ㄍㄜ˙ (埃華街) (Moved) New Location

路過好幾次，都食唔到，細鋪時，多數係因為賣晒；大鋪就因為試業初期，縮短左營業時間。今次終於可以喺正常時間黎到買外賣。〈古早味手工滷肉便當$62〉手工滷肉汁甜，份量多（多滷肉到啲飯係唔夠撈）；脂肪比例可以接受，肥膏只佔少量；肉已經好入味，同「淋」，好適合唔想咬嘅朋友味道：🧡🧡🧡🧡🖤•〈那個滷排骨便當$66〉哩個係我屋企人想食好耐嘅便當，所以對我黎講係必點！排骨面積同個飯盒差唔多大；唔好以為塊排好似豪大大雞扒（強行壓大，肉又薄），那個嘅排骨除咗面積大，仲好厚身，易咬得黎有彈性，肉仲有明顯一絲絲，有濕度；排骨係先炸，再放醬汁，炸粉夠薄；滷汁為排骨加左少少甜味味道：🧡🧡🧡🧡🖤•〈香酥脆雞便當$64〉本身唔太好炸雞，但落單時，店員話平時好受歡迎，今日難得仲有，叫我試下，我就點一個。香酥脆雞有三大件，同樣都係薄炸醬，可能焗左一陣，已經唔脆，但佢嘅味道好豐富，外面有少少似7味粉嘅醃料，雞肉有淡淡嘅鹹香（唔係嗰種無醃就炸嘅雞），雞塊超厚肉味道：🧡🧡🧡🧡🖤〈配菜（跟便當上）〉每盒都有好豐富嘅配菜，包括：酸菜、粉絲、醃蘿蔔，滷肉飯嗰邊仲有椰菜花同粟米仔。「唯一美中不足」嘅係個醃蘿蔔有色，但未夠味，可能係先