Video
Read full review
2007-03-29
30 views
今日七點幾收工, 約埋兩個朋友食飯, 朋友話去過間日本o野好正又抵食. 諗住唔想食咁飽, 食壽司係一個好選擇.差唔多九點先起行, 地點都幾偏僻下, 先過半山電梯, 再經過橫街窄巷, 加上夜晚無乜燈, 有點摸黑尋寶o既感覺.一入去地下有兩張四人台有人坐緊, 老闆招呼我地上上層間房, 一間房兩張四人台, 張台其實坐六個都仲得, 呢個時間又幾靜, 一間房, 約十個八個朋友食飯真係一流.朋友一坐低就叫o左三件蟹膏壽司, 可能當時人少我地又唔急, 覺得好快就到, 我一擺入口, o的蟹膏真係鮮到無朋友, 可惜我太快吞落肚, 哂o左. 真係太好食, 忍唔住再每人叫多件, 今次擺入口慢慢細嚼, 一口都係蟹膏o個種感覺真係正到飛起. 之後再點o左o的壽司(三文魚/甘蝦/鰻魚/帶子/魷魚), 味道不俗, 用料夠新鮮, 真係手握壽司, 料同飯係粘住, 咬落去唔會散. 同埋佢最好就係逐件逐件叫, 每件都係$5~8, 非常抵食. 同時叫o左三件火焰三文魚壽司, 一個刺身冷麵同螺肉share, 火焰三文魚壽司係半生熟, 但係入口即溶, 幾好味. 刺身冷麵就中規中矩, 不過佢跟埋九件刺身就新鮮搭救. 螺肉都幾大碟,
差唔多九點先起行, 地點都幾偏僻下, 先過半山電梯, 再經過橫街窄巷, 加上夜晚無乜燈, 有點摸黑尋寶o既感覺.
一入去地下有兩張四人台有人坐緊, 老闆招呼我地上上層間房, 一間房兩張四人台, 張台其實坐六個都仲得, 呢個時間又幾靜, 一間房, 約十個八個朋友食飯真係一流.
朋友一坐低就叫o左三件蟹膏壽司, 可能當時人少我地又唔急, 覺得好快就到, 我一擺入口, o的蟹膏真係鮮到無朋友, 可惜我太快吞落肚, 哂o左. 真係太好食, 忍唔住再每人叫多件, 今次擺入口慢慢細嚼, 一口都係蟹膏o個種感覺真係正到飛起. 之後再點o左o的壽司(三文魚/甘蝦/鰻魚/帶子/魷魚), 味道不俗, 用料夠新鮮, 真係手握壽司, 料同飯係粘住, 咬落去唔會散.
同埋佢最好就係逐件逐件叫, 每件都係$5~8, 非常抵食. 同時叫o左三件火焰三文魚壽司, 一個刺身冷麵同螺肉share, 火焰三文魚壽司係半生熟, 但係入口即溶, 幾好味. 刺身冷麵就中規中矩, 不過佢跟埋九件刺身就新鮮搭救. 螺肉都幾大碟, 味道唔錯.
另外Services都幾好, 點完菜, 老闆就即係送三碗麵豉湯同三份中華沙律俾我地, 侍應耐唔耐又入o黎斟茶, 坐到十點半打烊都無示意叫我地走, 最後我地都係忍唔住, 臨走要點多三件蟹膏壽司先肯走.
三個人埋單$38x, 仲唔收加一, overall質素真係超值.
呢一餐, 我覺得俾兩百蚊食都唔過份.
Post