瓊媽媽 (皇后大道東)

Open Now

Now Closed

行過灣仔，懶懶地唔想煮飯，睇吓買咩返屋企食🥳見到依間「 瓊媽媽」嘅雞飯好吸引，仲好多人幫襯，尤其是附近啲打工仔同埋OL，等我即刻買返幾個返屋企開餐先💗依間係外賣店，見到價錢非常親民，最平$29就有，最貴都係＄49，仲包埋例湯😋我嗰日喺南瓜粟米豬骨湯，都正喎，好清甜料好足。而飯就可以揀白飯菜飯或者油飯，價錢有少少差別，不過列晒出嚟，好清楚。而3盒飯每份份量都好多，勁抵食👍🏼 選擇都多，有各類型嘅雞飯，包括😋手撕雞飯丶海南雞飯丶霸王雞飯丶沙薑雞飯丶口水雞飯⋯🔶沙薑雞配手工菜飯 $31呢個超抵食😋雞件滑溜又入味👍🏼而菜飯入面菜嘅份量都多，好健康。🔶無骨海南雞飯配濃香油飯 $49雞件無骨啖啖肉，配以秘製醬汁，好有風味！油飯入口不膩有椰香。🔶海南椰香咖又來腩飯$45依度啲咖喱汁正呀！夠晒濃郁，而牛腩炆得好軟腍又入味。🔶小食：酥炸雞翼槌 $26一客有4隻，配以甜酸醬非常惹味香口。另外見到有口水汁雞絲蕎麥麵，都好受歡迎喎。