壹蒸鍋

Open Now

Now Closed

今日同女朋友去咗旺角行下街，返到咁上下發現有啲肚餓，但都兆萬中心見到呢個大大塊嘅banner 發現食指大動，於是同女朋友上咗去食啦。因為時間尚早嘅關係，海鮮蒸氣鍋火鍋放題都只係＄179 ,仲有刺身任食都係加＄30 。上到去餐廳，全層都係佢嘅，感覺好大，唔會有一個侷促嘅感覺，亦都係因為時間做嘅關係，完全唔駛等，上到去就位lu~佢嘅「醬料吧」都有好多醬料，俾我哋鍾意點加就點加。海鮮都好足料，有龍蝦、蜆、聖子、蟮、魚塊、都唔係其他貝殼類嘅海鮮（因為唔識分😅😅）食完海鮮之後仲可以打埋邊爐，完全滿足晒我嚴重肚餓嘅需要。食飽飽之後仲有雪糕糯米糍做甜品，細細粒嘅糯米糍，食多幾粒都唔怕啊！