真妮 (Closed)

一睇本Menu除左圖片吸引外, 再加埋個抵死名字, 真係好正, 店主別出心裁引人一笑, 真係值得讚下。我哋叫左兩個餐:小鳳仙搭上豬公子漢堡聽個名就知係有菠蘿同豬漢堡, 有一片原整的罐頭菠蘿, 加一塊吉列豬扒, 仲有配料, 一大口食落去, 唔知點解塊吉列豬扒口感好似食緊吉列魚柳咁, 可能係炸粉令我有錯覺吧, 個漢堡味道係好味的, 配埋菠蘿, 好清新, 好開胃。當煙肉蛋愛上牛肉漢堡呢個名寫晒料出嚟, 再加入愛情, 成件事好浪漫。呢個漢堡可以改他他汁, 我哋仲要求多汁, 食過就知, 原來漢堡千萬千萬唔好要求多汁, 食到有啲雞手鴨腳.....個漢堡材料味道都好夾, 口感好豐富。隨餐仲可以簡薯條或者沙律, 加杯飲品, 價值合適, 性價比高, 會再去試埋其他抵死名字的漢堡包。