新香園 (堅記)

Open Now

Now Closed

禮拜六放假同friend落左深水埗買野，行行下見肚餓就想搵個地方坐下食下野，行到桂林街見到呢間新香園好多人排隊就走左入去試下。 入到去係一間好典型既舊式茶餐廳，成個feel就好似番左去80年代既香港咁，但係地方又唔會話太逼。 呢度最出名既就係蛋牛治，有得揀烘底或者唔烘，岩哂唔同喜好既人。蛋牛治好快到，塊蛋炒得真係好滑，同時d牛肉仲係好嫩，兩樣野相輔相成真係好夾，再加上脆pork pork既烘底，成個蛋牛治真係好好食，難怪佢咁出名。 除左蛋牛治，仲有茶餐廳好常見既粉麵，味道都不過不失。 值得一提既係佢既奶茶都比一般既滑，可惜係冇得跟餐叫，單嗌價錢就比較貴。