叫咗薯仔雞同咕嚕肉，都係最普通嘅餸，以為叫呢啲正正常常，點知味精勁重，鹹到無辦法接受。
隔咗一個鐘之後，我條頸、肋骨、大脾、腳眼開始起疹，唔係細細達，每一個紅疹範圍比一個手掌仲要大，到後期全身紅曬，連臉都有。
我有諗過係咪因為天氣熱出疹，定係食物敏感，還是其他原因。
到夜晚睇醫生嘅時候，醫生話係急性風癩，然後個護士就講咗一句：「你係咪食好重味精嘅嘢呀？」我先醒起晏晝食咗咁咸嘅嘢。
上網睇急性風癩都有好多原因嘅，主要都係藥物、食物、衣物等等嘅致敏原造成。又唔係話100%因為呢餐所以搞到咁，可能加加埋埋其他原因，但護士咁講，我咁聽囉。
但就算係唔係呢餐搞到生風癩都好，40蚊一個兩餸飯都唔係平，又唔好食，一定冇下次。
