The Joomak (Closed)

放工近近地走去海港城食飯，見到個menu都覺得吸引 ..kale 煎餅🥗沙律果汁就見得多，咸食真係第一次見，居然冇平時啲苦味 清清淡淡行健康路線。韓牛沙律成個配搭好夾 包住烤牛芝士粒加酸酸甜甜汁 好開胃韓國嘅魚糕湯係旅行必食嘅街頭小食之一 食完後 自己喺側邊拎湯飲至係皇道。香港雖然冇呢套玩法 但都係咁椅叫黎頂下癮🍢🤪吞拿魚飯卷入面有松子 平淡得黎帶點新意。仙人掌果酒原來完全冇仙人掌嘅特徵😛用popping candy塗杯邊再加入果酒 幾得意. 主菜來了-泡菜蕃茄青口 汁味道好濃郁 配上芝士有點似意大利粉嘅感覺 不錯🙂Makgeolli 味-喺食完泡菜味之後呢個略嫌冇味 有大量洋蔥將海鮮味引番出黎。青口好大隻但入面帶有海草雜質 有幾隻都要處理下先再食😬🚦最近餐廳做緊優惠 唔洗$300任食青口 鍾意青口又要慳荷包嘅快啲去啦！如果冇記錯好似做到五月底💡不過講真..我認為人手不足 大家要有耐心等候。