Video
Read full review
2010-09-10
40 views
今日(09.09.2010)去荃灣莎樂美餐廳食飯, 遇到一件十分不快事, 寫出黎希望各位小心呢間餐廳.呢間餐廳星期一至四晚上9時後都有全單八折優惠既, 咁今日我同老婆係條街度行, 仲諗緊去沙樂美定係稻草人食好, 經過沙樂美見到個八折牌, 咁就決定入去食啦, 未行入去我阿哥打比我, 我就一手聽電話一手拖住老婆入去, 入到去樓下冇位, 侍應就叫我地上樓上, 上到去我仲未講完所以未睇食咩, 咁老婆諗到食個精選特餐$98我就叫佢叫先, 跟住3分鐘後我收線後好快就決定叫個精選晚餐$58, 我個餐係有隻帶子既, 食食下先發覺冇黎到, 咁岩又有人問點解冇左隻帶子, 咁我都問埋一份, 侍應姐姐就好有禮貌話唔好意思轉頭補番. 好快就食完叫埋單, 剩惠$159, 我比$160, 落到樓下未出門口已經覺得唔對路, [($58+$98)再加一跟住8折]應該係$137.28喎, 點解會係$159呢!? 於是走返上去問佢, 幾個人圍住左我, 一check單有個女人叫左一句:哎呀, 你又折漏左一個餐呀. 有個四眼男人就話: 咩呀? 拎張單黎啦. 睇左幾秒就好大聲同我講, 你$98果個餐冇折架嘛. 由於我唔係好熟,
呢間餐廳星期一至四晚上9時後都有全單八折優惠既, 咁今日我同老婆係條街度行, 仲諗緊去沙樂美定係稻草人食好, 經過沙樂美見到個八折牌, 咁就決定入去食啦, 未行入去我阿哥打比我, 我就一手聽電話一手拖住老婆入去, 入到去樓下冇位, 侍應就叫我地上樓上, 上到去我仲未講完所以未睇食咩, 咁老婆諗到食個精選特餐$98我就叫佢叫先, 跟住3分鐘後我收線後好快就決定叫個精選晚餐$58, 我個餐係有隻帶子既, 食食下先發覺冇黎到, 咁岩又有人問點解冇左隻帶子, 咁我都問埋一份, 侍應姐姐就好有禮貌話唔好意思轉頭補番.
好快就食完叫埋單, 剩惠$159, 我比$160, 落到樓下未出門口已經覺得唔對路, [($58+$98)再加一跟住8折]應該係$137.28喎, 點解會係$159呢!? 於是走返上去問佢, 幾個人圍住左我, 一check單有個女人叫左一句:哎呀, 你又折漏左一個餐呀. 有個四眼男人就話: 咩呀? 拎張單黎啦. 睇左幾秒就好大聲同我講, 你$98果個餐冇折架嘛. 由於我唔係好熟, 我以為真係冇折, 所以我就行番落去, 我老婆見到我問我點, 我照講, 老婆就話: 唔係呀, 9點後就全單折架喇.(佢好熟, 因為成日都黎). 咁我就問樓下個老細, 老細態度好差咁話: 唔關我事, 你返上去問唔好問我.(佢肯定係沙樂美既老細). 跟住之前話冇折個四眼男人就走落黎同埋一個女人, 態度好差咁叫我埋去話計比我睇, 計完之後係$136 (仲平過我計), 跟住靜左, 個老細見唔到路就問我同佢d伙計咩事, 跟住佢一路聽一路用計數機計, 計到 $137.28, 先呆一呆, 跟住話: 我唔知你地呀, 上番去樓上吖, 樓上還樓上. 跟住我地話咩樓上樓下姐, 係度扯貓尾, 根本你就係老細. 跟住四眼男人就發難, 話你地肯定係一個黎先一個黎後, 黎先果個未夠9點. (不過佢張單第一張落單時間已經係9點13分, 第2張係17分. 而我大哥打比我既來電顯示係9點10分) 我就話你張單都9點13分啦, 佢死撐話: 入得黎叫埋都唔止13分啦. 跟住走左去, 全間餐廳都冇人理我, 真係叫天不應叫到不聞, 老細就係我前面, 不過問極都唔應我.
發展到呢度, 我問淮老婆之後決定報警.(因為老婆係好怕事既, 成日都話算啦算啦, 不過今次佢都好嬲, 話冇理由咁比佢呃). 跟住佢地聽到我話報左警, 即刻搵個女人拎左$13蚊落黎, 同我講唔好意思計錯左, 我冇理到佢, 只係話我岩岩報左警, 等一陣警察黎左先講.
好快警察黎左, 佢地問老細咩事, 老細就話唔知呀佢地上面架, 跟住我又再行上去, 2個警察分別問我同埋佢地, 我就一分鐘講完, 入面就攪左10分鐘最終佢地認左係計錯左, 亦認左係屈我分開入黎, 因為有女侍應証明我地係一齊入黎同黎入黎過陣已經係9點10分, 全程個四眼男人都響入面唔敢出黎, 搵左個女人拎13蚊比我, 我叫佢地拎個計數機黎, 問佢地點計係13蚊, 我計出黎係22蚊至岩, 佢地又計一次, 不過計左好耐都計唔到, 終於警察先生忍唔住親手計, 計出黎同我一樣係$160-$137.28= $22, 跟住問佢地: 你地計咁耐點計$13蚊架? 警察先生就叫個女人: 快d拎番 $22比人啦. 我收左 $22就走左, 不過警察先生仲響入面問佢地野.
心情真係好嬲, 所以除左應警察先生既建議去消委會投訴之外, 仲想比多d人知道呢間野係點做生意.
Post