萬發海鮮菜館

Open Now

Now Closed

一早BOOK左位黎喱到吃大排檔, 今次係四個女仔一齊食。一來到門口,老實講我有少少嚇親,因為根本唔知邊到係門口,餐廳範圍好大, 侍應姐姐帶左我地去一條行仔入面, 好似去大陸食飯咁, 街上搵張台坐低。環境一般,但又座無虛席,應該係好好食既。朋友強烈推介黑椒薯仔牛柳粒。看賣相覺得無咩特別,但一食真係驚為天人,唔係D牛柳粒好食,竟然係D薯仔好好食。 入面脆但外面好似畀蜜糖包住, 喱個味係係其他餐廳到未食過既, 牛柳粒就有黑椒香味, 不過最好食都係薯仔,一來到好快就食哂。雖然大排檔坐得無咁舒服,但D野食有時真係好味過餐廳, 所以間中都會同朋友黎食下。今次仲叫左椒鹽骨,蠔餅etc., 味道都好好。不過最難忘的還是黑椒薯仔牛柳粒,下次一定會再叫。