Video
Read full review
2021-11-08
41 views
麵賜園 🍜首先講下環境先，成個設計好新穎，完全唔係傳統嘅港式粉麵店，而係行型格風🤩加左唔同色嘅霓虹燈，令成間店充滿格調📸另外環境都好乾净，除左位窄啲之外，都坐得幾舒服☺️另外，餐廳係用電話掃QR code 落單嘅形式😆可以方便食客揀麵嘅質地，包括軟，適中，硬身，仲可以揀轉烏冬或者扁拉麵，同埋可以順便選擇走配菜，所以成個落單流程好方便🙌鐡三角蠔蝦海鮮湯麵：碗麵超級足料🥰有海中蝦，松野蟹肉，新鮮元貝，香燒日本生蠔🔥大蝦同埋蠔都係輕輕炸過，所以會香口啲🤗湯底好濃郁，但係唔會太稠，所以好易入口🤤依一碗，我地揀左硬身拉麵，對於我鍾意食開彈牙啲嘅人來講，覺得啱啱好，好有咬口，同埋啲麵都好挂湯😻好鬼補鷄湯麵：依碗麵又真係好鬼補，有花膠，魚肚，新鮮鷄柳，北菇，雲腿絲🐤雞湯好清甜，而啲材料都吸晒啲汁，本人特別鍾意個冬菇，有菇味至於仲好吸汁🐷呢碗就揀咗硬身扁麵黎試，同拉麵相比，更加彈牙😎同埋店員會配埋辣油，可以因應自己嘅程度落返適當嘅辣度，咁就唔驚太辣食唔到啦～😁小編係食到一半先落辣油，咁又多咗一番風味lu😋牛油果蝦多士（2件）：入面嘅蝦大隻已經唔洗講，仲要加埋牛油果好特別啊，完全中晒依家牛油果狂熱🥑！食到
首先講下環境先，成個設計好新穎，完全唔係傳統嘅港式粉麵店，而係行型格風🤩加左唔同色嘅霓虹燈，令成間店充滿格調📸另外環境都好乾净，除左位窄啲之外，都坐得幾舒服☺️
另外，餐廳係用電話掃QR code 落單嘅形式😆可以方便食客揀麵嘅質地，包括軟，適中，硬身，仲可以揀轉烏冬或者扁拉麵，同埋可以順便選擇走配菜，所以成個落單流程好方便🙌
鐡三角蠔蝦海鮮湯麵：
碗麵超級足料🥰有海中蝦，松野蟹肉，新鮮元貝，香燒日本生蠔🔥大蝦同埋蠔都係輕輕炸過，所以會香口啲🤗湯底好濃郁，但係唔會太稠，所以好易入口🤤依一碗，我地揀左硬身拉麵，對於我鍾意食開彈牙啲嘅人來講，覺得啱啱好，好有咬口，同埋啲麵都好挂湯😻
好鬼補鷄湯麵：
依碗麵又真係好鬼補，有花膠，魚肚，新鮮鷄柳，北菇，雲腿絲🐤雞湯好清甜，而啲材料都吸晒啲汁，本人特別鍾意個冬菇，有菇味至於仲好吸汁🐷呢碗就揀咗硬身扁麵黎試，同拉麵相比，更加彈牙😎同埋店員會配埋辣油，可以因應自己嘅程度落返適當嘅辣度，咁就唔驚太辣食唔到啦～😁小編係食到一半先落辣油，咁又多咗一番風味lu😋
牛油果蝦多士（2件）：
入面嘅蝦大隻已經唔洗講，仲要加埋牛油果好特別啊，完全中晒依家牛油果狂熱🥑！食到中間啲牛油果蓉增加咗口感之餘，仲令到個味更香濃，但蝦多士頭尾無蝦/牛油果嘅部分，就有小小油，不過好滿足好幸福🥰 同埋啱啱上台嗰陣真係啱啱炸起仲好熱辣辣，小心唔好辣親隻咀仔啊😝
酥炸日本舞茸（3件）：
平時好少地方有得食舞茸，所以好想嗌黎試！炸舞茸真係一個好聰明嘅配搭，炸粉好薄，舞茸個口感有啲爽脆，炸完都唔會淋，夾埋令到成個菜式更加酥脆。仲要有成三舊大大嚿，真係好抵嗌㗎！
搖呀搖烘焙（熱）：
間店真係好有心，特登挑選尼加拉瓜高海拔嘅咖啡豆，支持生態平衡🌍🙌🏻 上面有層厚奶，小小鹹鹹地，攪勻之後，中和咗啲咖啡味，飲落好香濃順滑，即時平時少飲咖啡嘅，都相信一定會接受到。仲要杯仔好靚，打卡一流呀！如果真係要挑剔嘅話，就係冇得同甜品一齊慢慢嘆😌 不過都好，如果唔係小編個肚就要漲死啦😮💨
。。。。。。。。。。。。。。。。。。。。。。。
鐡三角蠔蝦海鮮湯麵：$118
好鬼補鷄湯麵：$88
牛油果蝦多士（2件）：$48
酥炸日本舞茸（3件）：$38
搖呀搖烘焙（熱）：$50
餐廳：麵賜園
Overall (Out of 5): 🔆🔆🔆🔆
地址：旺角通菜街36號地舖
Post
