萬利小食店

Open Now

Now Closed

食完彩虹甜品，見到萬利，想起各位網友的評語，飽飽地都入去一試。叫左5蚊腸粉，一碗碗仔翅。腸粉比下面某網友那碟靚好多倍，好難想像是同一間店的出品。我那碟加左芝麻，但面一層的腸粉都好晶瑩，好滑，一D都唔粉。係有水準的腸粉，好食過一般酒樓的。碗仔翅更是欣賞，稀稠度適中，個獻打得好好。未食之前特登"畢"起倒下幾次，係完全無一舊舊啫喱，又唔會太稀太杰，非常好。味道好好唔洗再調味，肉絲又夠絲狀，唔係一舊大一舊碎咁。見到好多人食車仔麵，但太飽了，下次再試。清潔方面真係要檢討，已有D秋涼，仲有蚊滋仔。碗仔翅盛得太求其，成個碗邊都係漏晒。