鴻啤啤串燒 (Closed)

平時一諗起想放鬆一下，就會諗起想食串燒！而家喺香港地食串燒真係越嚟越難搵一間性價比高嘅餐廳，好多餐廳都係冇乜特別值得推介！不過今次就去咗一間自己非常鍾意嘅餐廳，就係呢一間鴻啤啤串燒😎都係朋友介紹所以先過嚟，佢都知我食嘢好厭戰，所以介紹得嘅就知道啱我胃口！試咗一個呢度重點推介嘅一夜干馬友😋一上枱嘅時候就已經流晒口水，呢個馬友味道好鮮甜，而且魚味十足！加埋少少檸檬汁提鮮絕對係非常開胃！另外就係呢個聖子，聖子大大隻，而且非常飽滿！用咗好香濃嘅醬汁一齊整，所以真係非常滋味！