漁師兄

Open Now

Now Closed

咁啱上網見到有人推介漁師傅嘅魚湯麵，鍾意食麵嘅我，即刻起行！我叫咗魚腩豬膶，腩肉同埋酸菜蕃茄魚湯米線魚腩好嫩滑，少骨，入口即化！豬潤新鮮好爽！酸菜好大份，不過唔夠酸！腩肉一般！我男朋友叫咗鮮牛肉，鮮牛肉好滑，而且令到個湯提升！我試過佢個湯，明明都係蕃茄魚湯，點解會啲唔同嘅？🤣 原來鮮牛肉會令到呢個湯更加鮮甜！涼拌青瓜正常發揮，喺譚仔嘅味道🤣燒茄子大推介，好正！真係成條茄子上，而且火候啱啱好！除咗食物之外不錯，令到我會再去嘅原因係因為餐廳嘅環境幾好，坐位好寬敞同乾淨！坐得舒服！