味道樂居酒屋 (元州街) (Closed)

其實1年前食過呢間，見口痕又想食多次，位置有點遠，係長沙灣地鐵站落左要行幾分鐘。到餐廳就叫咗念念不忘嘅原條成田醬炭火燒鰻魚飯 （$128）- 個鰻魚超大塊，用部iPhone比較，差唔多iphone 2倍有多，鰻魚大過個飯，性價比好高。叫咗2份鹽燒厚切特上牛俐（$68） - 燒得啱啱好，勁厚切，非常肥美，如果平啲真係會叫多幾份。火炙左口魚壽司（$48）-非常肥美又薄，咬起來有豐富的魚油在口中爆開，層次豐富。三文魚腩壽司（$38）-幾好味鵝肝壽司（$98）- 鵝肝超厚超大塊，仲要有少少熱熱地，食入口中超重鵝肝味，見到隔離枱叫咗個鵝肝炒飯超級香，但因為2人食唔到咁多，唯有下次。火炙帆立貝蟹膏卷（$88）- 叫左份卷物，中間的青瓜搶咗帶子蟹膏嘅味道， 最後我哋分開帆立貝同舊飯來食，反而更食到佢哋嘅原汁原味。明太子雞翼（$48）- 好重明太子味，燒到岩岩好。流心芝士燒年糕（$48）- 超好味，芝士勁流心，仲要燒到啱啱好，軟林林的， 做飯後甜品一流。最後2個人食左9樣菜，因為樣樣都好吸引，值得再來。