甜舍 (Closed)

食完飽飯梗係要食埋甜品啦！今次嚟到元朗嘅foodeli,見到有間叫做甜舍嘅甜品店，緊係要試試。首先我叫咗佢哋嘅黑糖抹茶刨冰，估唔到咁大份咁足料！呢份黑糖刨冰，算係人生中見過最大份嘅刨冰。首先當然要試吓佢哋粒湯圓， 抹茶湯圓有驚喜好濃味。 將紅豆蓉連埋刨冰一齊食好夾呀！刨冰有分兩種味，我自己就鍾意黑糖刨冰，好少見到黑糖同埋抹茶原來咁夾。之後我仲飲咗佢哋嘅凍頂烏龍泡茶，真係好有誠意呢支泡茶算係數一數二咁好飲， 好有烏龍嘅茶香味。下次經過一定要試埋佢嘅茉莉泡茶。