SOFFEE (T.O.P This is Our Place) (Closed)

星期日係旺角交收完，就去食晚餐。一入門口就見到琳琅滿目既蛋糕，款款都好精緻，好吸引。我地兩個人叫左兩個飯同一個甜品。純素大蘑菇燴飯看似平平無奇，點知好有驚喜。燴飯充滿牛奶忌廉既味道，每啖都可以食到菇，而且熱辣辣，非常出色。車打肉醬煎蛋飯篤穿蛋黃撈勻食，另外加左肉醬同芝士係飯到，調味幾惹味，呢個都好食，估唔到呢間既主食無比甜品比下去。培茶麻糬蛋糕幾經艱難，我終於揀左培茶麻糬蛋糕。切開有幾個層次，甜度適中，口感豐富，無令人失望。