嗌到成檯野食
拌蟲草花。上海燻魚。貢菜海蜇
開胃菜既感覺
1
白玉王鴿
熱辣辣食就最正
25蚊一隻真係好抵
好彩比左手套
因為食完真係成對手套都係油
1
黑金流沙
即係流沙奶皇包
真係好流沙
不過要小心熱 !
脆蝦多士
雖然我麻麻地食蝦
但都覺得炸得幾好味
黑松鮑飯
好香黑松露味
要撈勻先好食
(因為好多汁係底下)
btw由於無分到D鮑魚黎食 (因為唔係好大塊)
所以唔知鮑魚整成點
椰皇燉雞
原隻椰皇上
個湯好清甜
應該無咩味精
不過d雞肉就煮到出晒啲味
所以食落又硬又無味
猛虎咬豬
五花腩好肥美
真係要配埋個刈包食
先平衡到肥膩感
1
紫蓉豬豬
豬仔既外表好得意
唔知點解我反而係食到芋頭味................?
同埋聞落反而仲香過食果陣
1
黑醋雞花
黑實實既外表
唔知係特定點
大家都覺得啲醋整得偏酸
長輩仲覺得搞到棚牙好酸
反而菠蘿仲甜啲 !
所以呢個大家都覺得麻麻
火焰菠蘿
上檯即場點火燒菠蘿
係幾Eye-catching !
但唔知係咪食得太飽
又唔覺得炆牛腩特別好味😅
ps 由於得12張相可以upload
所以pose唔到成個菠蘿出黎
總括黎講
呢間野都幾好味
啲餸上得都快
但又夠熱
