微辣大排檔 (Closed)

微辣大家就睇得多，係沙田既微辣大排檔大家又試左未呢？知道係沙田開左後一直想試，今日趁收早就約埋朋友去試下。一入到去基本每一步都係打卡位，好有特色。一坐低就問下侍應有咩招牌菜，結果就推介左以下：米酒雞$198嘩…個煲一出，成場都望住，好cute 呀。之後點火倒入個煲入面，真係未食就先興奮。結果一打開d葉就聞到雞香味，雞肉好滑好淋，好入味。果然無介紹錯。懷舊蟹膏蝦多士$98本身蝦多士可能有d油但加左蟹膏後，中和左，特別好味。蟹膏份量好多，一d都唔孤寒。發記大香腸$68呢個燒得又香又脆，加埋芥末醬，好香口。椒絲腐乳通菜$88呢個正常味道總結，值得一試，環境舒適又可打卡既大排檔。