Add Some Thai Restaurant

Open Now

Now Closed

今日天氣好差，一放工旁沱大雨。諗住去到依間工廈嘅泰國菜，應該都唔會好多人啦。 點知一入到去爆曬場咁濟，心諗真係好食到咁?食完之後又覺得ok喎。 由於係工廠區嘅關係,空間位置都比較寬敞,最驚喜嘅係 室內都裝修都好有泰式特色味道。 泰式小食拼盤真係堅大份，有4塊蝦餅，泰式鳳爪，豬頸肉，青卷同埋雞翼。蝦餅最好食，非常彈牙，點埋個醬汁食特別好味。豬頸肉好淋， 食落去啖啖肉，燒得剛好。 椰青鮮蜆冬陰公湯。味道偏甜，好適合啲食唔到太辣嘅朋友，而且海鮮甚多，有青口，蜆肉，菇類等等，飲落非常過癮。 明爐青斑魚 確係幾好味。青斑魚魚肉好嫩而帶質感，青斑魚唔算多骨，而且肉多。配埋佢酸酸哋嘅執一齊食好開胃。 炒金邊粉配鹹蛋蝦。鹹蛋蝦喺度出名嘅菜式，隻蝦淡淡都有濃濃蛋黃味，而且蝦肉新鮮彈牙，金邊粉炒得唔油，幾好味。