Paisano's Pizzeria

Open Now

Now Closed

好味道呀！好多人喎，好彩我地咁0岩見到一張枱係0係出面坐又冇人的。我地同狗狗去完游水，e 左肚先搭車返屋企，就要帶埋狗狗坐室外既地方，0岩晒！坐抵左，入去落order，想食夏威夷批，但佢話要等35分鐘，見門口counter 有些好似一塊塊可以就咁嗌，唔駛等，我就問佢一塊0個d 係咪唔駛等？佢可能誤會我意思，佢同我講，一塊0個d 都有呀！咁我就諗住叫佢拿一塊門口0個d 俾我啦！原來，佢一塊既size 係可以做到，但都係即整即焗俾我地，都要等左30分鐘。但真係好值得等，熱辣辣，好多料！好好味，好回味呀！仲想食多次。有相，可看！真係大大塊，薄薄批身，完全係料多過批底！又香脆，唔怪得之個個都肯等三十分鐘！仲有叫左個蒜茸卷，唔係好蒜蓉味，好粉團味，自家製，幾得意！熱辣辣到波波卜卜聲！0個d 卜卜聲既熱辣泡泡，我以為係油啦！原來係芝士加埋油，凍番之後結左一塊芝士焦，超好味！但個包就冇乜蒜蓉味，期望重蒜味既人可能會失望。我自己就覺得好正！一塊大大塊既pizza slice 都只係30蚊！抵都爛！仲有要提既係入面侍應姐姐後生可愛，好nice。入面仲有好多職員，包括有個送pizza 叔叔, 都好鍾意狗狗