滿小館 (Closed)

前身嘅嚐中菜坊經常去食，改名後就第一次去食，一如以後裝修格局無改變，夠空間感餐牌上嘅選擇都多，點了幾樣特別嘅菜式試試▶️小館鴛鴦叉燒 - 以蜜糖同柚子醬淋上叉燒，感覺新鮮，但叉燒無肉味令到整碟菜失色▶️蟲草花泡菜苗 - 正正常常，對一個粵菜廚師豪無難度，但有別於一般粵菜食肆，用蟲草花代替蒜蓉就比較新鮮▶️燕麥金沙蝦球 - 以燕麥碎塗上炸脆咗嘅蝦球，食落口感豐富，呢個值得讚▶️頭抽乾炒安格斯牛河 - 色澤同味道都夠，但牛肉炒到濃晒，廚師有少少失策總結：正如標題所寫，食物質素好壞參半，比較上比前舖差咗，或者有機會再嚟試埋其他菜式又再評論下！