小肥牛火鍋活魚專門店 (Closed)

睇廣告去呢度打火鍋,地方好細,啤酒就好抵,$10一支Asahi大樽,不過係「暖啤」,催左四次至有人幫我地加d冰!啤酒小姐就木無表情!二人前,叫左個芫茜皮蛋湯底,炸魚皮,不過食左幾件已經夠喉,炸鮮腐竹,相當好味,駝鳥肉,鬆肉粉太多,食唔到!白鱔,夠新鮮,酒浸肥牛,咬唔到,特價都無用,真係食唔到!石蚌活魚刺身,上碟條魚仲會郁,可惜師父唔係真正魚生師父,片魚生唔合紋理,平白浪費條新鮮魚!食完有生果送,仲有鮮生贈卷,九點半後又有特價,喜歡熱鬧唔怕嘈就應該好收貨!對我就麻麻地,嘈到講野都聽唔到!