香港達人 (卓爾廣場) (Closed)

今日，年初三，同家人去姨媽到拜年，拜年前中午時間，緊係食個 lunch先上去，所以簡左卓爾居最近好新開的 HK Diner, 佢係同香港18+ 椰林閣同一集團，咪試一試佢囉。我地分別叫左3 個 set lunch, 包餐湯熱飲。1. 香辣蕃茄海鮮炒扁意* 差到爆，食落完全唔知係咩味，無蕃茄味，無香辣味，好唔掂有1件青口，四件蕃茄，小小急凍海鮮料，最多係蟹柳有成十件，食落真係都唔知係咩~ 唉2.焗芝士煙肉雞扒飯食者話： 總括 ok ,但飯比較少，夠多汁，算不錯了。3. 黑椒汁牛仔柳意粉食者話： 黑椒汁夠辣，牛扒好食，夠薄夠軟，咁就同係椰林閣到食嘅無分別，一向 ok嘅。另外，餐飽，餐湯都 ok嘅但最唔掂亦都係 d餐具，好污糟， 如下圖，唔係花紋黎架地方唔算好大，但間隔有好多張枱，坐到幾十人架，當然卡位4人枱都細 d。* 7:30 開到11:00