今日8點半左右經過，見唔算太多人，所以就決定入去試下。環境感覺就好似一般日式快餐，都算多坐位。
旁邊仲有紙袋可以比大家放口罩。
望住餐牌有好唔同既吉列，絕對選擇恐懼。一直在想要吃限定的滑蛋吉列豬扒鰻魚丼 或 吉列炸蝦豬扒定食，兩樣都想吃。
最後我要了滑蛋吉列豬扒鰻魚丼 配飯$89
賣相雖然同相片有出入，但都尚算有小小吸引。
我返到屋企先發現原來佢無比跟餐的 野菜豚肉湯，定唔知係因為跟餐+9要巨峰乳酪特飲?
滑蛋好滑好香，鰻魚都好有味好嫩，配飯一流。
個吉列豬扒好厚身啖啖肉，不過配滑蛋就無左吉列既脆口感，有小小可惜。 唯有下次試下另1款看看。
整體感覺唔錯，雖然唔算太大驚喜，但下次路過唔知食咩都會再入黎試試其他既吉列豬扒😉
