番茄師兄 (Closed)

今日突然好想食番茄湯🍅，諗起番茄師兄喺灣仔開咗一排，就想試吓佢。🍲騸牯鮮牛肉烏冬配番茄湯 $48根據餐廳menu，佢哋係採用新鮮騸牯，肉味會濃啲。食落好軟淋，一啲都唔韌，份量都幾多下，正。烏冬係煙煙韌韌果種，幾掛到湯，份量好多，好夠飽：個番茄🍅湯好正，甜甜酸酸，味道適中，唔係好誇張嘅甜或者酸，入口清新，飲落好舒服😌，正👍🏻，同烏冬好夾。🍤炸腐皮墨魚蝦條 $14呢個係最推薦👍🏻👍🏻 墨魚🦑好彈牙好有魚味，一啲都唔假。腐皮炸得唔錯，脆脆。呢個必點。🥛涷豆漿 $6價錢好fair，唔多甜，幾啱想飲下嘢但又唔想甜果種時候。🌟幾推薦，價錢真係邊度嚟講都算抵，又好味又夠飽。