火五越式牛肉粉專門店 (華生樓) (Closed)

天氣真係好熱呀，唔想食熱野，去食越南菜就至啱啦！火五特色鳳爪撈檬酸酸辣辣嘅鳳爪至開胃，加埋青瓜同埋蘿蔔絲，勁清新開胃啊， 份量足夠 好抵食。手作挪威煙三文魚米紙卷勁鍾意食三文魚嘅我，見到有三文魚嘅咪紙卷，就即刻想食啦。米紙卷一碟有六件，同朋友開心share都冇問題！D24 榴槤炸彈呢四粒細細地嘅煎堆仔睇落平平無奇，但暗藏驚喜！香濃嘅榴槤軟心流出嚟，味道超香仲唔會太甜，外皮香脆又煙韌，加埋滑滑榴槤肉 真係好想叫多碟呀！最後嘆埋杯鹹檸梳打，乜嘢熱氣都驅散晒啦！