在唔知道食咩好既時候, 發現左一間新開無耐既土耳其餐廳, 舖頭雖然唔係好大, 但內裡既食物, 傳出來既香味, 吸引左我入去試一試~~ 
試完覺得有意外既收穫同驚喜!!! 
入到去, 睇睇個餐牌, 都好多野食揀呀~~ 有Pizza, 沙律, 轉轉肉, 烤卷, 湯等等, 樣樣都想試下, 當然冇可能一次試得晒咁多樣啦~ 所以揀左D自己覺得好好食既黎試試la~~~
先飲了一個扁豆湯 (只需$10), 真係好抵飲~ 個湯淨係睇D顏色已經感覺到好足料, 真係充滿豆味, 喜歡豆的朋友必試~ 而且很香甜, 濃濃既豆香但不覺得溜, 飲完一碗真係想來多一客呀! 而且在香港既食肆都很難搵到咁既豆湯吧! 10蚊真係值得一嘗啊!!!! 抵!!!
跟住就係烤羊卷~~~ 厘個真係超好味呀! 即叫即製, 真係極新鮮~ 內裡既羊肉係轉轉羊0個D肉來的, 個卷充滿住羊肉, 足晒料, 而且D肉唔會"鞋", 每一片都薄薄的但充滿住羊味, 再配以生菜紅椰菜(應該係...), 令羊卷增加了一份清新既感覺~ 唔會覺得個卷太多肉類而唔健康~ 有蔬菜既配合亦使個卷容易入口, 濃而清甜, 感覺很好! 加上羊卷既皮恰到好處, 唔會厚, 咁就唔會因為食個皮食到滯!!! 好有誠意既菜式!! 讚!!! 厘個卷仲可以配雞或牛呢~ 唔喜歡羊亦可以試其他肉類~ 我下次要試一試牛肉啦!!!!! 
羊肉丸配薯條~~ 另外可以薯條改為配飯~ 羊肉丸雖然外表唔似一粒丸, 但原來佢係非常好味!!! 因為一吃, 很多肉汁, 勁juicy!!! 熱辣辣食真係超正~ 加上此肉丸充滿羊騷味, 比起羊卷的騷味勁強~ 本人很喜歡羊騷味, 所以覺得厘個肉丸真係勁good!!! 同埋再配合0個4款醬汁, 真係一流~ 有茄汁, 薄荷味既醬, 蒜味醬 and 辣味醬, 每款都好好味~ 我至愛蒜味, 點埋剛炸起既薯條, 好味呀!!! D醬汁好特別, 唔洗only點茄汁咁悶啦!! 正!!! 
土耳其沙律~~ 基本上係由蔬菜同瓜組成, 十分清新可口~~D蔬菜感覺新鮮~ 亦都係抵食之選~~ 食左肉同炸野, 食個沙律清一清感覺舒服~ 而且又好味~~ 
土耳其芝士薄餅~~ 個Pizza外表隋圓形的, 據說是土耳其Pizza既特色, 厘度既Pizza真係整得唔錯, 個皮好鬆軟, 個邊位仲焗到有少許脆脆地, 好香口~ 加上芝士很多, 超正~ 真係可以做到電視扯芝士既效果!! 同埋芝士好香濃, 但唔會溜, 技術十分好!!! 份量真係足6-8位用, 亦係大件夾抵食呀!! 
夏威夷薄餅~~~ 來到這裡真的不得不試Pizza~ 兩個Pizza都好好味! 比起那些專賣Pizza既地方好勁多倍~ 厘個Pizza雖然都係普通夏威夷薄餅, 都諗到係菠蘿火腿~ 但土耳其唔食豬, 所以佢地用左土耳其既肉腸來取代這個火腿!!! 那個腸原來很好味, 比起配火腿更好食~ 可能因為腸夠味, 又厚厚地, 質感同味道都增加, 所以感覺更好~ 而且此店真係落足芝士, 好正!! Pizza皮薄, 饀多, 十分豐富!!! 勁good!!! 
飯布甸~~ 十分特別~ 內裡一粒粒飯, 很有米香, 配以椰漿 (應該係...), 唔好太甜, 亦唔會黏口, 十分唔錯! 都未試過原來米飯都可以做甜品~ 好過癮~~
還有一個炸魚薯條... 由於太吸引, 忘記拍照已經速速被大家焚化.... 剛炸起既炸魚柳真係好香, 魚柳真係一片片的, 好味~ 雖然唔係一個十分特別既菜式, 但此小食下午茶真係適合不過呀!!! 35蚊完全唔貴!!! 好好食!!!!
最後, 食完感覺真係非常滿意, 見到真係土耳其人親製食物, 一定正宗啦~ 同埋所有食物都即製, 所以全部都熱辣辣上菜,連薯條都係即炸, 真係好有誠意!
加上又真係好好食~ 店員又Nice~ 老闆仲Nice到請我地飲咖啡, 真係超好, 個土耳其咖啡同一般咖啡唔同味, 入口有咖啡味, 到喉嚨有點甘甘地既味道!! 好特別~~ 食完好野仲有咖啡送, 真係一流呀!!!! 好滿足既一餐~ 一定會番黎再食!! good!!!!
