味道樂居酒屋 (元州街) (Closed)

前排同個朋友去咗長沙灣食咗一間「味道樂居酒屋」嘅日式料理餐廳。室內環境雖少，但枱面空間好寬敞，都唔會太過侷促。平日去都好多人，所以最好預早book枱。入面嘅擺設好有日式風格，裝修得唔錯。我地食咗個「鐵板芝士焗餃子$68」味道唔錯，面頭有一層香濃嘅芝士，咬落皮簿餡料豐富。而且仲係用鐵板，非常特別。「原保成田醬炭火燒鰻魚飯$128」可以話喺熱門推介。鰻魚汁非常入味，而鳗魚有成隻手掌咁大條，兩個人食真係好飽。「香炸日本池魚仔$48」外脆入軟，完全唔覺有腥味，再點沙律酱作配搭，簡直係叫小食最佳之選。「鹽燒厚切特上牛利$68」份量雖然少，但真係好食，好有覽燒味道，而且肉質又唔太煙韌。「黑蒜黑豚肉卷$48」份量都係比較少，但食落肉質好新鮮，黑蒜嘅味道配合得唔錯，調味合宜，令人一食難忘。