球哥燉湯 (Closed)

今日老闆話叫外賣，就叫呢間，我未食過，就試下啦。經過門口好多次，都無入去食過，今日第一次食球哥燉湯，真係好味喎！粟米排骨燉湯 - 湯好甜，夠晒足料，排骨係靚骨，連筋，煲到入晒味又淋，好好飲！炸菜瘦肉蒸鯇魚 - 平時我好憎食鯇魚（今次係買外賣嘅阿姐自己揸主意，佢話其他唔吸引。㨂得好！），但佢用炸菜加瘦肉切條蒸，好入味，又好食，送飯一流。仲要配紅糙米飯，好味又健康！球哥真係可以 encore！有機會去下堂食先！