正潮樓 (中國太平大廈第一期)

Open Now

Now Closed

餐廳主打正宗潮州菜，食物質素高，價格合理，服務態度友善，環境闊落感覺舒適。招牌菜為金不換炒蟹，賣相精緻，打卡一流，蟹肉鮮嫩，煮至入味，下面係潮州伊麵底，吸滿醬汁，比出面淋身，味道更上一層。滷水鵝三寶包括鵝肝、鵝掌同鵝肉，另有豆腐墊底，淡淡滷水香氣，鹹度適中，鵝掌皮彈，鵝肉緊實，越食越上癮。汕頭煎蠔烙蛋皮薄且脆，唔油唔膩，蠔肉粒粒飽滿，魚露提鮮，份量相對細，兩個人食就啱啱好。牛肉炒芥蘭反而有驚喜，芥蘭苗幼身，新鮮鮮甜，入口嫩且無渣，沙茶醬味濃又香，配白飯就一流。芋頭炒香飯嘅芋頭仲多過飯，芋頭大粒軟綿，飯粒粒分明，帶淡淡香氣，搭配前菜嘅開胃花生同蒜蓉菜脯可增添味道。