必勝客 (Closed)

早前Pizza Hut出咗隻海鮮鮑汁片三重芝心批，都未寫得徹個食評就又出咗另一款新批，不過只係海鮮鮑汁片三重芝心批，加配咗辣肉腸！個人覺得個海鮮鮑汁片三重芝心批一般，批汁加咗日本芥辣，唔係好夾！除咗成日出新批之外，佢哋依家多咗好多特色小食、意粉同飯，例如：焗釀迷你蟹蓋拼魚圈、西班牙白酒藍青口、至尊大蝦意粉、野菌意大利飯……等等。今次試咗佢個佛羅倫斯卷伴薯角小食，用D墨西哥薄餅卷住菠蘿粒同芝士哩焗，配埋脆香薯角，都幾新鮮，亦都幾好食！ 另外亦試咗個挪威三文魚意粉銀包，其實係用D錫紙包住哩焗個三文魚茄汁意大利粉，味道OK，件三文魚扒都好大件添！反而我都係至愛海鮮寬條麵！