御前大江戶日式料理 (Closed)

前排同朋友去咗御前食磯燒海鮮放題，第一次食呢種放題，好滿意! 呢次主要係食磯燒海鮮同刺身壽司~ 海鮮有好多種類，樣樣都大大件~朋友近爐負責燒，我負責食~ 哈哈~ 當然都要少少技巧，但基本上唔難燒，佢仲好體貼咁有張嘢話你知每種海鮮嘅建議烹調時間，所以唔難控制~ 另外刺身好新鮮肥美，壽司都好味，又多款，仲有海膽手卷tim~通常食放題都好少食飯，怕用咗d quota，但朋友推介食蟹肉海膽湯飯所以試吓，果然真係超正!!! 好鮮味! 都係自己煮，一小鍋我地3個人share啱啱好~ 一定要試!最後食到好飽都忍唔住叫埋個羊架，都ok~ 到最最最後夠鐘走人都要拎多支甜筒邊行邊食~ 哈哈~ 超滿足!