Pokéworld (Closed)

見到湖水藍既門面其實一直都想去試下，今日又咁啱想清下腸胃，所以就趁機黎食沙律啦一入去就見到餐廳提供好幾種唔同既魚類配料，其中有個叫Marlin（好似係旗魚）真係幾特別不過我無試到因爲始終最鍾意都係三文魚，所以係必叫既配料三文魚果然無令我失望，好新鮮又肥美下次去我一定會試下佢個三文魚腩，因為三文魚已經非常高質如果腩位既話一定更加甘香！另外，餐廳都有豆腐揀，咁就唔洗食咁多肉啦，啱曬d想食清淡d既OL！而我最buy既一點，就係佢地提供既沙律醬出面大部分賣沙律既餐廳都只係提供d比較高脂肪既醬，好似蛋黃醬果啲咁，但係依度係有兩種味既豉油選擇，我今次揀左柚子味，卡路里低好多所以我諗我以後買沙律都係會黎番依間，健康d，而且份量都唔細又夠曬飽如果下次再黎既話，我應該會試下佢個魚生壽司飯，望落非常大碗，響中上環依個咁貴既地方算係好抵食！期待下次再黎試下其他野！