泉記海鮮飯店 (Closed)

我雖然係女人，但天生個性格比較粗豪， 除非特殊日子，一定唔會化妝又唔會著高踭鞋又唔會怕凍要披肩，唔鍾意食high tea，永遠牛記笠記，食燒味去大排檔就最啱我。今日我就同我契細佬去咗呢間差唔多全場都係麻佬嘅 泉記 食好嘢，呢度係市政街市大排檔feel， 可以大聲講嘢，就算係粗口橫飛， 隨口吐骨落地都唔會有人理，因為個個都一樣，呢種地方先至啱我。先整個煲仔窩蛋牛肉飯， 塊牛肉打得好綿好香又好味，煮煲仔飯又掌握得好好，撈埋啲蛋汁再加埋啲飯焦，再加上甜甜地嘅豉油，真係好好食。跟住食雞鍋兼且打邊爐，啲肉又新鮮，雞又新鮮，乜嘢都新鮮，係除咗講一句好好食之外，都唔知有咩可以形容，呢啲嘢唔係一般酒樓可以媲美。真正好味又夠feel， 一句講曬，正！