Video
Read full review
2017-07-01
192 views
今日拍拖想食燒賣，響openrice search下見到百樂小館好似幾好評，見到張燒賣既相就好想食，一於黎試吓，果然無失望!星期六下午三點半黎到，估唔到無乜人，可能位置問題，響美麗華4樓，少啲人上黎，但個環境好靚，座位闊落，裝修舒服寫意又乾淨。所有點心都即叫即蒸，所以要等幾分鐘。燒賣好大粒，皮有少少濕潤，所以好吸引。上面撒左啲蟹籽，每一粒入面係滿滿既三隻鮮蝦，好爽好鮮甜，而且充滿住冬菇香味，無得頂! 好想叫多籠，但為左試多啲，我地無加單叫多籠燒賣。上海生煎包，一見就好想叫! 唔知會唔會係入面好多湯汁的! 用砂鍋仔上，鍋底既油送到上枱仲滾緊，好吸引，不過由於燒賣極吸引，食晒燒賣先輪到生煎包呀! 個包不過不失，都脆同鬆軟，但個stuffing係菜肉，變左生煎菜肉包，有啲失望。包底用啲洋蔥墊底，好聰明，咁就唔怕個包太燶，啲洋蔥好爽甜，一條不漏呀。食完生煎包同底的洋蔥會feel到有少少油，一定要飲杯茶。另一半鍾意鐵觀音，我喜歡呢度既鐵觀音好清香!個蝦餃係淺綠色，其實食落同一般蝦餃分別唔大，不過係鮮甜既。最好味既一道菜莫過於蒜炒蠔仔! 個菜名我唔記得，但真係好好味，啲蒜好甜，蠔仔夠大隻同夠熟 (
星期六下午三點半黎到，估唔到無乜人，可能位置問題，響美麗華4樓，少啲人上黎，但個環境好靚，座位闊落，裝修舒服寫意又乾淨。
所有點心都即叫即蒸，所以要等幾分鐘。燒賣好大粒，皮有少少濕潤，所以好吸引。上面撒左啲蟹籽，每一粒入面係滿滿既三隻鮮蝦，好爽好鮮甜，而且充滿住冬菇香味，無得頂! 好想叫多籠，但為左試多啲，我地無加單叫多籠燒賣。
上海生煎包，一見就好想叫! 唔知會唔會係入面好多湯汁的! 用砂鍋仔上，鍋底既油送到上枱仲滾緊，好吸引，不過由於燒賣極吸引，食晒燒賣先輪到生煎包呀! 個包不過不失，都脆同鬆軟，但個stuffing係菜肉，變左生煎菜肉包，有啲失望。包底用啲洋蔥墊底，好聰明，咁就唔怕個包太燶，啲洋蔥好爽甜，一條不漏呀。
食完生煎包同底的洋蔥會feel到有少少油，一定要飲杯茶。另一半鍾意鐵觀音，我喜歡呢度既鐵觀音好清香!
個蝦餃係淺綠色，其實食落同一般蝦餃分別唔大，不過係鮮甜既。
最好味既一道菜莫過於蒜炒蠔仔! 個菜名我唔記得，但真係好好味，啲蒜好甜，蠔仔夠大隻同夠熟 (我怕生既蠔仔) 又勁新鮮，雖然食晒成大碟其中三四隻有少少殼，但食蠔仔好多時都會有，所以我ok。食落似福建既蚵仔煎 (非台式蚵仔煎)。 好味，好味，好好味! 重要要講三次。
芋頭蒸排骨，好大碟，排骨比較多碎骨，肉質ok，鼓椒味道適中，底層既芋頭極粉極鬆化，好正!
其實食得飽飽地，估唔到個珍珠雞都仲係咁好食。兩隻有少許唔同咁，一隻好多臘腸片，一隻少好多，但同樣入面有細細粒乾珊柱，幾香，我地兩個都好滿意。食珍珠雞最怕stuffing多肥肉好油，而呢個珍珠雞一啲都唔油，而且入面個stuffing唔會好多粉漿，just right!
其實我地本身想叫雪水叉燒包同一碟叉燒，但可能太晏去，無晒。我地食完慢慢坐，無人趕我地，仲不斷幫我地加水，服務好好，環境好好，食物質素好好! 所以我地話，下次應該黎食呢度既晚餐試下。非常滿意既一餐。價錢唔平既，每碟基本上三十幾蚊起，蠔仔好似六十幾，total兩個人食左三百幾蚊，但係CP值好高囉
要再講多次，個燒賣同炒蠔仔，真係超正!
鮮蝦燒賣、蝦餃、上海生煎包
18 views
0 likes
0 comments
蒜炒蠔仔、蒸排骨、瑤柱珍珠雞
15 views
0 likes
0 comments
Post
